ԱԺ ՀԱԿ խմբակցության պատգամավոր Նիկոլ Փաշինյանը մինչեւ հաջորդ քառօրյա հանդես կգա Սերժ Սարգսյանին պաշտոնանկ անելու որոշման իր առաջարկած նախագիծը արտահերթ կարգով խորհրդարանի օրակարգ մտցնելու նախաձեռնությամբ։ Այս մասին Նիկոլ Փաշինյանը գրել է ֆեյսբուքյան իր էջում։
«Ինչպես եւ խոստացել եմ եթերում, մինչեւ հաջորդ քառօրյա հանդես կգամ Սերժ Սարգսյանին պաշտոնանկ անելու Ազգային ժողովի որոշման նախագիծը արտահերթ կարգով խորհրդարանի օրակարգ մտցնելու նախաձեռնությամբ: Հուսով եմ՝ նախագիծը կստանա անհրաժեշտ թվով (44) պատգամավորների աջակցություն՝ արտահերթ կարգով ԱԺ առաջիկա քառօրյայում քննարկվելու համար: Ոչ իշխանական ուժերը ներկայացնող պատգամավորների թիվը ավելին է, քան 44-ը»,- գրել է նա:
