Թաիլանդի նախարարների պալատը հաղորդել է, որ 86-ամյա թագավոր Պումիպոն Ադուլյադետը ներկա չի եղել երկու նախարարների երդմնակալության արարողությանը, ինչը կասկածներ է առաջացրել նրա առողջական վիճակի վերաբերյալ:
BBC-ի ռուսական ծառայության փոխանցմամբ, հոկտեմբերին լեղապարկի վիրահատության ենթարկվելուց հետո միապետը վերադարձել է հիվանդանոց: Ընդ որում, միապետի հնարավոր փոխարինման ցանկացած քննարկում խստիվ պատժվում է պետության օրենքներով։
Պումիպոն Ադուլյադետը գահ է բարձրացել 1946 թ.: Նրա 68-ամյա կառավարումը միապետական աշխարհում ներկայում ռեկորդ է համարվում:
