Հաջորդ տարվա գարնանը Մեծ Բրիտանիայի  Alton Towers ժամանցային կենտրոնում կբացվի ռեստորան, որտեղ կմատուցվեն հսկա բանջարեղեններից պատրաստված ճաշատեսակներ: Crooked Spoon ռեստորանը պայմանագիր է կնքել Քեվին Ֆորտի հետ, որի ընտանիքի մի քանի սերունդ զբաղվում է խոշոր չափերի բանջարեղենի աճեցմամբ:

Այս տարի Քեվինը աճեցրել է ավելի քան 120 սմ-անոց դդմիկ եւ 450 կգ-անոց դդում՝ սահմանելով ռեկորդ: Նշենք, որ մեկ այդպիսի դդումից կարելի է պատրաստել 8056 բաժին կարկանդակ: Հաջորդ տարի Քեվինը մտադիր է ռեկորդային մեծությամբ ձմերուկ, լոլիկ, գազար եւ նեխուր աճեցնել: