Հնդկաստանում թեյի պլանտացիայի աշխատողները սպանել են իրենց տիրոջը աշխատավարձի շուրջ վեճի ժամանակ: Այդ մասին հաղորդում է BBC-ի ռուսական ծառայությունը:
Աղբյուրի փոխանցմամբ, գազազած բազմությունը դադարեցրել է բանակցությունները եւ հարձակվել տիրոջ վրա Արեւմտյան Բենգալիայում: «Ենթադրաբար, նրան հարվածել են ինչ-որ սուր առարկայով»,- ասել են ոստիկանությունից:
Թեյի պլանտացիաներում աշխատանքը վատ է վճարվում, եւ վերջին տարիներին հաճախ են հարձակումներ լինում: Երկու տարի առաջ հարյուրավոր աշխատողներ Ասսամ նահանգում հարձակվել էին ղեկավարության վրա, այրել նրան տունը: Արդյունքում կառավարիչն ու նրա կինը զոհվել էին:
