Չինաստանի հարավ-արեւմուտքում նոյեմբերի 22-ին տեղի ունեցած երկրաշարժը հինգ մարդու կյանք է խլել, հաղորդում է «ՌԻԱ Նովոստին»:
6,3 մագնիտուդ ուժգնությամբ երկրաշարժը գրանցվել էր Սիչուան նահանգի Կանդին Գարձե գավառում: Երկրաշարժի օջախը գտնվել է 18 կմ խորության տակ: Երկրաշարժին հաջորդել է 95 ետցնցում:
Տագուն քաղաքում 60 մարդ է վիրավորվել, որոնցից 42-ը՝ տարրական դպրոցի աշակերտներ: Ըստ իշխանությունների՝ ստորգետնյա ցնցումները հանգեցրել են շինությունների աննշան վնասվածքների: Տուժել է նաեւ Կանդինի օդանավակայանը: