ՄԱԿ-ում մշակել են Ուկրաինայում 2014-2017թթ. Ճգնաժամին արձագանքելու ռազմավարական ծրագիր: Այդ մասին ZN.UA-ին տված հարցազրույցում հայտարարել է Ուկրաինայում ՅՈՒՆԻՍԵՖ-ի ներկայացուցչության ղեկավար Ջովաննա Բարբերիսը:
Նրա խոսքով, դեկտեմբերի 9-ին Ժնեւում այն ներկայացվելու է դոնորային հանրությանը: «Մենք հուսով ենք, որ դա մեր տարածաշրջանի եւ այստեղ կոնֆլիկտային իրավիճակի նկատմամբ հետաքրքրության նոր ալիք կբարձրացնի»,- ասել է նա:
Այս պահի դրությամբ ՅՈՒՆԻՍԵՖ-ին հաջողվել է Ուկրաինայի համար 7 մլն դոլար հավաքել: Ըստ աղբյուրի, պատերազմը Դոնբասում տանիքից զրկել է շուրջ 130 հազար երեխաների, մոտ 460 հազար մարդ հարկադիր տեղահանվել է:
