Գերմանիայում շրջվել է տուրիստական ավտոբուսը, առնվազն 11 մարդ լուրջ վնասվածքներ են ստացել: Այդ մասին հաղորդում է «ՌԻԱ Նովոստին»՝ վկայակոչելով տեղական լրատվամիջոցները:
Աղբյուրի փոխանցմամբ, 66 ուղեւորներով ավտոբուսը անհայտ պատճառներով դուրս է եկել երթեւեկելի մասից եւ կողաշրջվել: Դեպքը տեղի է ունեցել Բեռլինի մերձակայքում, շրջվել է Լեհաստանից ժամանած ավտոբուսը: Ոստիկանները այլ մանրամասներ չեն հայտնել, տուժածներին տեղափոխել են հիվանդանոցներ: