Նիգերիայում «Բոկո հարամ» խմբավորման գրոհայիների հարձակման հետեւանքով զոհվել է մոտ հինգ տասնյակ մարդ, հաղորդում է «ՌԻԱ Նովոստին»՝ վկայակոչելով Նիգերիայի ձկնավաճառների ասոցացիայի ղեկավար Աբուբաքըր Գամանդիին:
Աղբյուրի փոխանցմամբ, գրոհայիններն արգելափակել են Նիգերիայից Չադ տանող ճանապարհն ու սպանել 48 ձկնավաճառների:
«Բոկո հարամն» ակտիվորեն գործում է Նիգերիայում: Դրա գրոհայինները հանդես են գալիս կրթության արեւմտյան մոդելի դեմ եւ ձգտում ողջ երկրում շարիաթի օրենսգրքի տարածման: Խմբավորումը երկրում ահաբեկչությունների մեծ մասի պատասխանատուն է: