Պրիմորիեյի Կրասնոարմեյսկի շրջանի Արմու գետի մոտ հայտնաբերվել է որսորդի դի: Նախնական վարկածով՝ նրա վրա վագր է հարձակվել: Այս մասին հայտնում է «Մոսկովսկի կոմսոմոլեցը»՝ վկայակոչելով ՌԴ ՆԳՆ Պրիմորիեի երկրամասի վարչությունը:
Ըստ աղբյուրի՝ 75-ամյա որսորդի մարմինը, որի հետ կապը կորել էր մի քանի օր առաջ, Մելնիչնոյե գյուղից 80 կմ հեռավորության վրա գտել է մեկ այլ որսորդ: «Ըստ նախնական վարկածի՝ տղամարդը զոհվել է վայրի գիշատչի հարձակման հետեւանքով. մարմնի կողքին վագրի ոտնահետքեր են հայտնաբերվել», - հայտնել է մարզի ՆԳՆՎ-ն:
Դեպքի վայր է ուղարկվել օպերատիվ-քննչական խումբ, քրեական փորձաքննություններ են նշանակվել:
