Հերերո նահանգի ուսանողները Մեքսիկայի նախագահ Էնրիկե Պենյա Նիետոյին վեց օր ժամանակ են տվել հրաժարականի համար, փոխանցում է «ՌԻԱ Նովոստին»:
Ըստ աղբյուրի՝ նոյեմբերի 23-ին ուսանողները մի քանի ժամով գրավել են երկու ռադիոյական Հերերոյի վարչական կենտրոն Չիլպանսինգո քաղաքում: Նրանք եթեր են դուրս եկել՝ ներկայացնելով իրենց պահանջները: Ուսանողների առաջնորդներից մեկը հիշեցրել է, որ նոյեմբերի 26-ին լրանում է Իգուալայի ուսանողների անհետացման երկու ամիսը: Ըստ նրա՝ այս ողջ ընթացքոմ իշխանությունները միայն ստում են անհետացածների ճակատագրի եւ նրանց որոնման վերաբերյալ:
Ուսանողները նախագահին հրաժարականի համար վեց օր ժամանակ են տվել: Հակառակ դեպքում խոստանում են ուժեղացնել ցույցերը ողջ երկրում:
Իգուալայում ուսանողներն առեւանգվել էին սեպտեմբերի 26-ին եւ հանձնվել հանցագործների ձեռքը: Իրադարձությունները տեղի էին ունեցել, երբ ուսանողները ցանկացել էին ցույց կազմակերպել կրթական բարեփոխումների դեմ: Վեց մարդ տեղում սպանվել, եւս 43-ը անհետ կորել են:
Իգուալայի նախկին քաղաքապետն ու նրա կինը փախել են, սակայն հետո ձերբակալվել են եւ կալանավորվել: Ձերբակալվել են նաեւ մի քանի տասնյակ ոստիկաններ:
