Իսրայելի կառավարությունը հավանություն է տվել պետության հրեական բնույթի մասին օրինագծին, որը սպառնում է պառակտել իշխող կոալիցիան եւ ուժեղացնել լարվածություն արաբական միջավայրում, փոխանցում է «ՌԻԱ Նովոստին»:
Ըստ աղբյուրի՝ փաստաթուղթը հաստատում է Իսրայելի՝ որպես հրեա ժողովրդի պետության կարգավիճակը ՝ որպես միակ ժողովուրդ, որն ազգային ինքնորոշման իրավունք ունի դրա սահմաններում:
Իսրայելի ութմիլիոնանոց բնակչության հինգերորդ մասը արաբներն են կազմում, որոնք հրեաներին հավասար քաղաքացիական իրավունքներ ունեն, սակայն հաճախ են բողոքում խտրականությունից: Նրանցից շատերը պայքարում են ոչ միայն Իսրայելի հասարակությունում սեփական կարգավիճակը բարձրացնելու համար, այլեւ պաշտպանում են նաեւ գրավված տարածքներում բնակվող ցեղակիցների իրավունքները: Իրենց տները վերադառնալուն են հավակնում նաեւ աշխարհով մեկ սփռված միլիոնավոր պաղեստինցիներ, որոնք տարբեր տարիների փախել են ժամանակակից Իսրայելի տարածքից:
Ի որոշ տարբերակներում հրեական պետության օրենքը , ըստ մամուլի, ենթադրում է արաբերենը պետական լեզվի կարգավիճակից զրկելը, որն այն ունի եբրայերենին զուգահեռ: Նախաձեռնությանը դեմ են բոլոր կենտրոնամետ նախարարները, այդ թվում նաեւ՝ Եշ Աթիդը: Կուսակցությունը կարող է պառակտել իշխող կոալիցիան եւ արտահերթ ընտրությունների հանգեցնել: Փաստաթղթի առաջին ընթերցումը նախատեսված է նոյեմբերի 26-ին: