Մոտ 40 երկիր Եվրասիական տնտեսական միության հետ ազատ առեւտրի գոտի ստեղծելու ցանկություն է հայտնել, սակայն Ուկրաինան նման նման ցանկություն չունի եւ ընտրել է եվրաինտեգրման ճանապարհը: Այդ մասին «Նախագահ, խորհրդարան, ինտեգրում» միջազգային համաժողովին հայտարարել է ՌԴ-ի պետդումայի նախագահ Սերգեյ Նարիշկինը, հայտնում է «ՌԻԱ Նովոստին»:
Նա հիշեցրել է, որ ԱՊՀ-ի արդեն 5 անդամ-պետություններ եվրասիական ընտրություն են կատարել: Նրա խոսքով՝ աշխարհաքաղաքական ընտրությունը ցանկացած պետության ինքիշխան ընտրությունն է:
Պետդումայի նախագահը կարծում է, որ Եվրասիական տնտեսական միության տեղծման մեջ պետք է տեսնել ոչ թե կարծեցյալ սպառնալիքներ, այլ եզակի հնարավորություն:
Եվրաիական տնտեսական միությունը միջազգային ինտեգրացիոն տնտեսական միավորում է, որի ստեղծման մասին պայմանագիրը ստորագրվել է 2014թ. մայիսի 29-ին: Այն ուժի մեջ կմտնի 2015թ. հունվարի 1-ից: Միության կազմում են Ռուսաստանը, Բելառուսը, Ղազախստանը եւ Հայաստանը:
