Եվրախորհրդարանը օրինագիծ է մշակում, որը կարող է Google-ի բիզնեսի առանձնացման հիմք հանդիսանալ, հայտնում է «Ինտեֆաքսը»:
Աղբյուրի փոխանցմամբ՝ Google-ին հնարավոր է արգելեն որոնողական մեխանիզմները միավորել առեւտրային ծառայությունների հետ: Օրինագիծը սատարում են Գերմանիայի կառավարության անդամները եւ խորհրդարանի երկու խոշոևագույն դաշինքները:
Գործակալության փոխանցմամբ՝ Եվրախորհրդարանը ընկերությունները բաժանելու իրավասություն չունի, սակայն կարող է ազդել Եվրահանձնաժողովի որոշումների վրա, որը կարող է հակամենաշնորհային օրենսրության շրջանակներում ամերիկյան ընկերության նկատմամբ քայլեր ձեռնարկել:
Օրենքի նախագիծը չի հիշատակում Google ընկերությանը, սակայն այնտեղ նշվում է, որ համացանցում կարող է օգտագործվել որոնողական մեխանիզմների առանձնացում առեւտրային ծառայություններից:
Եվրոպայում Google-ին քննադատում են շուկայում իշխելու, անձնական տվյալների մասին օրենսդրության եւ հեղինակային իրավունքների խախտման մեջ: