Ազգային ժողովի ՀՀԿ խմբակցության պատգամավոր Սուքիաս Ավետիսյանը կարծում է, որ Եվրասիական տնտեսական միության ռիսկերի եւ դրական արդյունքների մասին պետք է խոսել միայն անդամակցությունից մեկ տարի անց: Այսօր` նոյեմբերի 24-ին, լրագրողների հետ զրույցում ՀՀԿ-ական պատգամավորը ներկայացրեց, թե ինչու պետք է Հայաստանը միանա ԵՏՄ-ին:
«Նախ եւ առաջ տնտեսությունն արագ կզարգանա, իհարկե, այն ինչ մենք արտադրում ենք, Ղազախստանն ու Բելառուսն ունենք: Իսկ արդեն Ռուսաստանի դեպքում հատկապես այս իրավիճակում լրացուցիչ հնարավորություններ են մեզ ընձեռնվում: Երկրորդ` մեր ամենամեծ սփյուռքը գտնվում է ԵՏՄ անդամ երկրներում, մասնավորապես Ռուսաստանի Դաշնությունում: Հետեւաբար, ամենամեծ տրանսվերները գալիս են այնտեղից: Երրորդ` մեր անվնանգության խնդիրն է այս կերպ լուծվում: Ես ուսումնասիրել եմ պայմանագիրն ամբողջությամբ, այնտեղ որեւէ կետ, որեւէ նշույլ անգամ չկա ՀՀ-ԼՂՀ մաքսային կետի մասին»,- ասաց պատգամավորը:
Սուքիաս Ավետիսյանի խոսքով` Սահմանադրական դատարանն արդեն իր դրական եզրակացությունը տվել է, շուտով այն կքննարկվի Ազգային ժողովում եւ մենք հունվարի մեկից կանդամակցենք ԵՏՄ-ին: