Հայաստանում իր դիվանագիտական առաքելությունն ավարտող Լեհաստանի դեսպան Զդիսլավ Ռաչինսկին լրագրողների հետ կիսվել է իր կողմից ոչ լրիվ 5 տարվա ընթացքում կատարված աշխատանքի արդունքների, ձեռքբերումների եւ բացթողումների մասին:
Այսօր՝ նոյեմբերի 24-ին կայացած մամուլի ասուլիսի ժամանակ դիվանագետը, պատասխանելով դիվանագիտական առաքելության իրականցման ժամանակահատվածում ձեռքբերումների մասին հարցին, ընդգծեց. «Վերջին 5 տարիների ընթացքում Հայաստանը առավել ակտիվորեն զարգացրեց իր հարաբերությունները Լեհաստանի հետ: Խոսքը բարձր մակարդակում երկխոսության, համագործակցության ապակենտրոնացման, կրթության եւ մշակույթի ոլորտներում ակտիվացող հարաբերությունների մասին է: Վերջին 5 տարիների ընթացքում Լեհաստանը Հայաստանի համար դարձավ առավել հստակ եւ հասկանալի», - նշեց դեսպանը:
Դեսպանն առավել զգուշավոր է ԵՄ-ի եւ Հայատանի միջեւ հարաբերությունների գնահատականների շուրջ, որի մի մասը հայ-լեհական շփումներն են: «Չեմ թաքցնի, ես հույ ունեի, որ Հայատանը կդառնա ասոցացված անդամ: ԵՄ-ի եւ Հայաստանի միջեւ երկխոսությունը շարունակվում է եւ կշարունակվի: Միայն անհրաժեշտ է երկխոսության եւ համագործակցության նոր ձեւեր գտնել: Իմ երկիրը կողմ է Հայաստանի եւ ԵՄ-ի միջեւ սերտ համագործակցությանը, այն Արեւելյան գործընկերության նախաձեռնողներից մեկն է», - հիշեցրեց դեսպանը:
Ինչ վերաբերում է երկկողմ հարաբերություններին, ապա դեպանը հազմոզված է, որ անհրաժեշտ է բարձր մակարդակում պահպանել քաղաքական երկխոսությունը, տնտեսական, մշակութային եւ կրթական ոլորտներում զարգացնել համագործակցությունը:
Հայաստանի բնակիչներին մաղթանքներ հղելու խնդրանքին Զդիսլավ Ռաչինկին նշեց, որ ինչպես քաղաքականության մեջ, այնպես էլ կյանքում առանց ռոմանտիկայի եւ թռիչքի երեւակայության անհնար է. «Դա նման է առանց թեւերի թռչունի: Սպասումների խիզախությունը կարեւոր է»:
«Պետությունը դուք եք: Չի կարելի անընդհատ մեղադրել միմյանց: Պետք է հարցնես ինքդ քեզ՝ ինչ եմ ես արել կյանքն ավելի լավը դարձնոլւ համար, ազնվորեն կշարադրեք մամուլի ասուլիսը, թե կենթարկվեք խմբագրի ճնշմանը», - կիսակատակ նշեց դեսպանը: