Վրաստանի հետ ցանկացած դեպքում պետք է նորմալ հարաբերությունները պահպանել: Այս մասին այսօր` նոյեմբերի 24-ին, լրագրողների հետ զրույցում ասաց Ազգային ժողովի ՀՀԿ խմբակցության պատգամավոր Սուքիաս Ավետիսյանը` պատասխանելով հարցին, թե ԵՏՄ-ին անդամակցելուց հետո ինչպիսին են լինելու մեր հարաբերությունները հարեւան Իրանի եւ Վրաստանի հետ:
«Իրանի հետ համագործակցությունը շարունակվում է` կապված էներգետիկ ծրագրերի հետ: Ինչ վերաբերվում է Վրաստանին, ապա մենք ավելի զգույշ ենք նրանց հետ հարաբերություններում, քանի որ այնտեղի քաղաքական վայրիվերումները թույլ չեն տալիս հասկանալ նրանց քաղաքական դիրքորոշումները: Վրաստանի հետ մեր շուկան մեծ չէ, միայն տրանզիտի խնդիր ունենք: Բացի դրանից` մեր միակ ցամաքային ճանապարհն է, այնպես որ նրանց հետ պետք է նորմալ հարաբերություններ պահպանել»,- ասաց պատգամավորը: