Միջազգային պատժամիջոցների եւ նավթի գների անկման պատճառով ռուսական տնտեսությունը կարող է կորցնել մոտ 140 մլրդ դոլար: Այդ մասին Ֆինանսատնտեսական համաժողովում հայտարարել է ՌԴ-ի ֆինանսների նախարար Անտոն Սիլուանովը:
«Քաղաքական պատժամիջոցների պատճառով տարեկան մենք կորցնում ենք 40 մլրդ դոլար եւ մոտ 90-100 մլրդ դոլար կարող ենք կորցնել նավթի գների 30%-անոց անկման պատճառով», - գործակալությունը մեջբերում է նախարարին:
«Հիշեցնենք, որ այժմ բոլորը ակնկալում եմ Վիեննայում OPEC-ի հանդիպան արդյունքներին, որը տեղի կունենա նոյեմբերի 27-ին: Հավանականություն կա, որ դրա արդյունքներով նավթի գները կկարգավորվեն նավթի համաշխարհային արտահանողների միջեւ համաձայնության ձեռքբերման դեպքում: Այդուհանդերձ համաշխարհային գները պահպանելու նպատակով նավթի հանույթի կրճատման մասին որոշումը քիչ հավանական է: Նման համաձայնությունը կարող է հանգեցնել համաշխարհային շուկայում OPEC-ի անդամ երկրների մասնաբաժնի նվազեցմանը, ինչը կարող է բացասաբար ազդել նրանց վրա», - պարբերականը մեջբերում է «Ինվեսթկաֆեի» փորձագետ Ռոման Գրինչենկոյի խոսքերը: