Եկատերինբուրգում փրկել են շանը, որին Կորեայից աշխատողը կերակրում էր՝ խորովածի համար:

Ըստ goodnewsanimal.ru-ի, նոյեմբերի 18-ին Եկատերինբուրգի բնակչուհի Օքսանան, անցնելով Ուսանողական փողոցում կատարվող շինարարության վայրի կողքով, սյունին կապված շուն է նկատել: Նա մոտեցել ու աշխատողներին հարցրել է, թե ում է պատկանում կենդանին: Նրան պատասխանել են, որ շունը պատկանում է մի կորեացու, ով կենդանուն կերակրում է՝ խորովածի համար: Օքսանան անմիջապես զանգահարել է կենդանիների փրկության «ԶՈՈՍՊԱՍ» ծառայություն:

Դեպքի վայր ժամանած ծառայության աշխատակիցը չի կարողացել զրուցել կորեացու հետ, քանի որ վերջինը ռուսերեն չի իմացել: Վախեցած աշխատողներն ասել են, որ մարդու լավագույն ընկերոջը կառուցապատման վայրում պահել են բացառապես անվտանգության նկատառումներով, եւ ոչ ոք չի պատրաստվել կենդանուց խորտիկ պատրաստել: Բայց հետո նրանցից մեկը, այնուամենայնիվ, խոստովանել է, որ կորեացին գտել է շանն ու սկսել է կերակրել՝ Ամանորին ուտեստ պատրաստելու համար:

Շանը, որը շատ վատ պայմաններում է բնակվել, հանձնել են ժամանակավոր խնամքի, մինչեւ նրա համար նոր՝ ավելի հոգատար տեր գտնեն: