Դրամի փոխարժեքի անկումը կարճաժամկետ ապագայում չի կարող ռիսկեր ստեղծել պետբյուջեի համար: Այս մասին NEWS.am-ի թղթակցին հայտարարեց Հայաստանի ֆինանսների փոխնախարար Սուրեն Կարայանը:
Հարցին, արդյո՞ք այդպիսի ռիսկեր կարող են առաջանալ երկարաժամկետ հեռանկարում, Կարայանը պատասխանեց. «Դժվար է ասել»:
Ընդհանուր առմամբ, ըստ նրա, փոխարժեքի հետագա վարքը կարող է կանխատեսել միայն շուկան: «Ինչպես գիտեք, արտարժույթի փոխարժեքը մեզ մոտ կախված է պահանջարկից եւ առաջարկից: Փոխարժեքը մեզ մոտ լողացող է եւ չկարգավորվող»,- հավելեց նա:
Հիշեցնենք, որ նոյեմբերի 24-ին ԱՄՆ դոլարի փոխարժեքը կազմել է 435 դրամ: Մեկ օրվա ընթացքում այն բարձրացել է միանգամից 16 դրամով. մեծ թռիչք՝ 2009 թվականի մարտին դրամի անկումից ի վեր:
