Ադրբեջանն իտալական փրկարարական ուղղաթիռների խմբաքանակ է գնում: ԱՊԱ-ի հաղորդմամբ՝ իտալական «Agusta Westland»-ն ավարտել է ավելի վաղ պատվիրված ուղղաթիռների մատակարարումները: Ուղղաթիռների մատակարարման պայմանագրի շրջանակում իտալական ընկերությունն Ադրբեջան է ուղարկել ութ AW-139, երկու AW-189 ուղղաթիռ: Պայմանագրի արժեքն է 115 մլն եվրո:
Ուղղաթիռներն ընդունակ են թռչել եղանակային ցանկացած պայմաններում՝ օրվա ցանկացած ժամի: Դրանք նախատեսված են որոնողափրկարարական գործողությունների համար եւ ունեն գիշերային տեսանելիության ու FLİR համակարգեր: