Եվրոպան ինչ-որ հնացած եւ մաշված բանի տպավորություն է թողնում, որն ավելի ու ավելի քիչ է իրեն գլխավոր գործող անձ զգում: Ըստ «Ռոսբալտի»՝ նման տեսակետ է հայտնել Հռոմի պապ Ֆրանցիսկոսը Եվրախորհրդարանում ելույթ ունենալիս: Նա քննադատել է եվրոպական հանրությանը՝ բնութագրելով որպես պատկառելի տարիքում գտնվող:
Ըստ Պապի՝ ԵՄ-ի առավել սուր խնդիրներից են մարդկային միայնության տարատեսակ դրսեւորումները: Հռոմի պապը նաեւ կարծում է, որ Եվրոպային անհրաժեշտ է համատեղ ջանքերով լուծել ներգաղթի խնդիրը, եւ չպետք է թույլ տալ, որպեսզի Միջերկրական ծովը վերածվի մեծ գերեզմանոցի:
«Նավակներում, որոնք ամեն օր մոտենում են եվրոպական ափերին, կան կանայք ու տղամարդիկ, որոնք օգնության եւ հյուրընկալության կարիք ունեն», - ասել է Պապը՝ նոյեմբերի 25-ին ելույթ ունենալով Եվրախորհրդարանում:
