Ռուսաստանն ու Վիետնամը կզարգացնեն համընդգրկուն ռազմավարական գործընկերություն: Համապատասխան փաստաթուղթը ստորագրել են Ռուսաստանի նախագահ Վլադիմիր Պուտինը եւ Վիետնամի Կոմկուսի կենտրոնական հանձնաժողովի գլխավոր քարտուղար Նգուեն Ֆու Չոնգը, հայտնում է «ՏԱՍՍ»-ը:
Երկրները ստորագրել են նաեւ երկկողմ փաստաթղթերի փաթեթ, որի կեսը վերաբերում է էներգետիկայի ոլորտին:
Այդ փաստաթղթերից բացի ստորագրվել է կապի, տեղեկատվական տեխնոլոգիաների եւ զանգվածային հաղորդակցությունների, ինչպես նաեւ կրթության, գիտության եւ տեխնոլոգիաների ոլորտում երկու երկրների համագործակցության մասին միջկառավարական համաձայնագրեր:
Երկու երկրների մաքսային ծառայությունները 2014-2016թթ. մաքսային իրավախախտումների դեմ պայքարում համատեղ գործողությունների ծրագիր են մշակել:
