Թուրքիայի Շրնաք նահանգի Սիլոփի քաղաքապետարանի աշխատակիցները հետաքրքիր տարբերակով են պատժել կովերին առանց հսկողության քաղաքում բաց թողած ֆերմերին՝ կովին հենց փողոցի մեջտեղում մորթելով։
Թուրքական Milliyet-ի փոխանցմամբ՝ Սիլոփի քաղաքապետարանի աշխատակիցները հերթական շրջայցի ժամանակ նկատել են քաղաքի փողոցներով առանց հսկողության շրջող մի կովի եւ աարագ անցել պատժիչ գործողության։
Քաղաքապետարանի աշխատակիցները կովին տեղափոխել են քաղաքի կենտրոնական փողոցներից մեկը, որպեսզի բոլոր տեսնեն եւ սկսել են մորթել կովին եւ թարմ միսը տեղափոխել են քաղաքապետարան։
Կովին մորթելու ժամանակ երթեւեկությունը կանգ էր առել եւ միայն միսը տեղափոխելուց հետո է վերականգնվել երթեւեկությունը։
Քաղաքապետարանի աշխատակիցները բարձրախոսով կրկին զգուշացրել են, քաղաքում առանց հսկողության կով տեսնելու դեպքում մորթելու են, կամ մեծ տուգանք են նշանակելու կովի տիրոջը։
Քաղաքապետարանի աշխատակիցները նշել են, որ բազմիցս զգուշացրել են, որ առանց հսկողության կովերը լուրջ վտանգ են ներկայացնում երթեւեկության համար, ինչպես շեշտել, որ քաղաքում կովերը միայն աղբ են ուտում, ինչը վտանգավոր է դարձնում նրանց կաթն ու միսը։