Մոսկվայի քաղաքային դատարանը Հրաչյա Հարությունյանի պաշտպանների ու տուժածների վերաքննիչ բողոքի քննարկման հիման վրա նոյեմբերի 25-ին վճիռ է հրապարակել: Դատարանի որոշմամբ, Հարությունյանի դատավճիռն անփոփոխ է թողել:
Մոսկվայի Տրոիցկի շրջանային դատարանի վճիռն օրինական ուժի մեջ է մտել, եւ առաջիկայում Հրաչյա Հարությունյանին փոխադրելու են պատիժը կրելու վայր:
Հիշեցնենք, որ բեռնատարը, որի ղեկին եղել է Հրաչյա Հարությունյանը, 2013 թվականի հուլիսի 13-ին մխրճվել է Պոդոլսկից դեպի Կուրիլովո 64 ուղեւորի փոխադրող ավտոբուսի մեջ: Վթարի հետեւանքով 18 մարդ զոհվել է, ավելի քան 40-ը՝ վիրավորվել:
Հետաքննության արդյունքում պարզվել է, որ բեռնատարը հարկ եղածի պես չի սպասարկվել, ինչի արդյունքում արգելակման հետ կապված խնդիրներ է ունեցել: Ըստ հետաքննության, Հարությունյանը պետք է իմանար այդ մասին: Մոսկվայի քաղաքային դատարանը Հրաչյա Հարությունյանին դատապարտել է 6 տարի եւ 9 ամիս ժամկետով ազատազրկման:
