Պատգամավորներին տնտեսական հարցերով խորհրդականների խումբ է հարկավոր: Այս մասին նոյեմբերի 25-ին կայացած նիստի ընթացքում հայտարարել են տնտեսական հարցերի խորհրդարանական հանձնաժողովի անդամները:
Հայաստանի ֆինանսների նախարարի առաջին տեղակալ Պավել Սաֆարյանը նշել է, որ պատգամավորները խորհրդարանի աշխատակազմի ղեկավարի տեղակալի աշխատավարձով օգնականներ են ուզում: «Ինչո՞ւ են նրանք ձեզ պետք, եթե ձեր հանձնաժողովում փորձագետներ ունեք»,- հարցրել է Սաֆարյանը:
Ի պատասխան հանձնաժողովի փոխնախագահ, ՀՅԴ խմբակցության պատգամավոր Արծվիկ Մինասյանը հայտարարել է, որ խորհրդականները կօգնեն պատասխանել ծրագրային բյուջետավորման հետ կապված հարցերին, որոնք Ֆինանսների նախարարությունն աստիճանաբար ներդնում է պետբյուջեն կազմելիս:
Ամեն դեպքում, որոշվել է հավանության արժանացնել «Ազգային Ժողովի կանոնակարգ» օրենքում հանապատասխան փոփոխությունների նախագիծը: