ՄԱԿ-ի գլխավոր քարտուղար Բան Կի-Մունը հեռախոսով շնորհակալություն է հայտնել Ուկրաինայի նախագահ Պյոտր Պորոշենկոյին՝ երկրի հարավ-արեւելքում իրավիճակը կարգավորելուն ուղղված իր ջանքերի համար, հաղորդվում է ՄԱԿ-ի մամուլի ծառայութան հայտարարությունում:
«Գլխավոր քարտուղարը նախագահին շնորհակալություն է հայտնել Ուկրաինայի հարավ-արեւելքում հիմնախնդրի խաղաղ եւ երկարատեւ լուծման ուղղությամբ գործադրած անդադրում ջանքերի համար», - Բան Կի-Մունի խոսքերն է մեջբերում մամուլի ծառայությունը:
Ըստ աղբյուրի՝ Բան Կի-Մունը եւ Պորոշենկոն համաձայնել են, որ Ուկրաինայի առնչությամբ Մինսկի պայմանավորվածությունների կատարումը խիստ անհրաժեշտ է:
Իր կողմից Պյոտր Պորոշենկոն շնորհակալություն է հայտնել Բան Կի-Մունին՝ նոյեմբերի 2-ի ապօրինի ընտրությունների եւ Մինսկի պայմանավորվածությունների իրականացմանը դրանց հասցրած վնասի հարցում իր հստակ դիրքորոշման համար:
