Չինաստանի հյուսիսարեւելյան հանքերից մեկում տեղի ունեցած խոշոր հրդեհը խլել է 24 մարդու կյանք, 52 մարդ էլ վիրավորվել են, հայտնում է «Ռոսիյսկայա գազետան»՝ վկայակոչելով տեղի մամուլը:
Ըստ աղբյուրի՝ ողբերգությունը տեղի է ունեցել նոյեմբերի 26-ին՝ Լյաոնին նահանգի ածխահանքում: Բռնկման պատճառները եւ այլ մանրամասներ չեն հաղորդվում:
Չինաստանի լեռնային հանքարդյունաբերությունը աշխարհում ամենավտանգավորներից մեկն է: Երկրում ամեն տարի զոհվում են հազարավոր հանքափորներ: Իշխանություններն ակտիվ աշխատանք են տանում այդ բնագավառում անվտանգությունն ուժեղացնելու ուղղությամբ:
