Հոնկոնգի ոստիկանությունը վերսկսել է բարիկադները քանդումը բողոքի ամենահիմնական գոտիներից մեկում՝ Մոնգկոկ թաղամասում (Կոուլուն թերակղզի): Վերջին օրերին այնտեղ ձերբակալվել է 116 մարդ, փոխանցում է ՏԱՍՍ-ը:
Ըստ Հոնկոնգի ռադիոյի հաղորդագրության՝ ոստիկանությունն արդեն ձերբակալել է ուսանողական բողոքի շարժման երկու առաջնոդներին՝ Ջոշուա Վոնգին եւ Լեստեր Շումին: Ուսանողների տեղի ֆեդերացիան էլ նախազգուշացրել է ցույցի ծավալման մասին, եթե ոստիկանությունը չդադարեցնի ուժ գործադրելը: Չնայած ոստիկանների զանգվածային ներկայությանը, Մոնգկոկ թաղամասում հարյուրավոր ուսանողներ են մնում: Նրանցից շատերը դիմակներ, պաշտպանիչ ակնոցներ եւ սաղավարտներ են դրել եւ փորձում են պաշտպանվել:
Անհանգիստ թաղամասում հազարավոր ոստիկաններ կան, որոնք տեսուչներին օգնում են կատարել Գերագույն դատարանի վճիռը: Այն պաշտոնապես հրահանգել է քանդել ճանապարհներն արգելափակող հատվածները՝ գլխավոր փողոցներով երթեւեկությունը վերականգնելու համար:
Հոնկոնգում դեմոկրատական ակտիվիստների ելույթները շարունակվում են արդեն երկու ամիս: Նրանք Պեկինից պահանջոմ են չեղյալ հայտարարել 2017թ. Հոնկոնգի ղեկավարության ընտրությունների սահմանափակումները, ապահովել դրանց ազատ եւ համաժողովրդական բնույթը: