Դեկտեմբերի 10-ին կկայանա Իրանի եւ «վեցյակի» միջուկային բանակցությունների նոր փուլը, գրում է «Կոմերսանտը»՝ վկայակոչելով դիվանագիտական աղբյուրը:
2015թ. մարտի վերջին կողմերը հույս ունեն մշակել ապագա համակողմանի պայմանագրի քաղաքական շրջանակները, մինչեւ հուլիս էլ կարգավորել տեխնիկական վեճերը:
Միաժամանակ, ԱՄՆ-ի Կոնգրեսում արդեն սպառնում են խստացնել Թեհրանի նկատմամբ պատժամիջոցները:
Եւս մեկ աղբյուր էլ հայտնում է, որ ամենայն հավանականությամբ բանակցությունները կանցնեն փորձագետների մակարդակով, որոնց ավելի ուշ կմիանան ԱԳՆ-ների ներկայացուցիչները:
Հիշեցնենք, նոյեմբերի 25-ին կողմերը որոշել էին եւս 7 ամսով երկարացնել իրանական միջուկային ծրագրի շուրջ բանակցությունները՝ համապարփակ համաձայնագրի հասնելու համար:
