Պրիմորիեի Ուսուրիյսկ քաղաքում սեփական տան շքամուտքում սպանվել է 70-ամյա թոշակառու: Նրա սպանության կասկածյալը 23-ամյա տղամարդ է, ով մեկ ամիս առաջ էր ազատվել բանտից, որտեղ պատիժ էր կրում կողոպուտների համար, փոխանցում է «Ռոսիյսկայա գազետան»:
Ըստ աղբյուրի՝ հարբած խումբը՝ կասկածյալն ու նրա երկու ընկերները, շենքերից մեկի շքամուտքում դեբոշ են կազմակերպել:
«Նրանք բղավել են, բնակարանների դռները թակել: Ձայների վրա դուրս եկած բնակիչը դիտողություն է արել նրանց: Կասկածյալը դանակով հարվածել է նրա կոկորդին եւ ուժեղ հրել: Տղամարդու մահը վրա է հասել արյունահոսության եւ գանգուղեղային վնասվածքի հետեւանքով», - մանրամասներ է պատմել ՌԴ ՔԿ-ի քննչական վարչության ղեկավարի տեղակալ Ավրորա Ռիմսկայան:Հարուցվել է քրեական գործ՝ ՌԴ ՔՕ 105 հոդվածով՝ «սպանություն»:
