Փարիզի կենտրոնում գտնվող Cartier ֆիրմայի ոսկերչական խանութը ենթարկվել է կողոպուտի, հայտնում է NEWSru-ն:
Աղբյուրի փոխանցմամբ՝ երկու զինված ավազակներ ներխուժել են Ելիսեյան պալատից ոչ հեռու գտնվող խանութ, հափշտակել ցուցափեղկերում, սեյֆերում պահվող թանկարժեք իրերը, ինչից հետո փորձել են թաքնվել: Մոտակայքում գտնվող ոստիկանները նկատել են կողոպտիչներին եւ սկսել հետապնդել նրանց:
Փորձելով խույս տալ մրցավազքից, հանցագործները մտել են վարսահարդարման սրահ եւ պատանդ վերցրել հաստատության աշխատակիցներից մեկին: Ոստիկանները շրջապատել են վարսահարդարման սրահը եւ բանակցություններ սկսել հանցագործների հետ: Որոշ ժամանակ անց կողոպտիչները ազատ են արձակել պատանդին եւ հանձնվել: