Լեռնային Ղարաբաղում լայնամասշտաբ պատերազմ չի սկսվի. Ադրբեջանը «British Petroleum» ընկերության գաղութն է: Այդ մասին այսօր՝ նոյեմբերի 26-ին, մամուլի ասուլիսի ժամանակ հայտարարեց Հայաստանի առաջին օմբուդսմեն, «Ընդդեմ իրավական կամայականության» հասարակական կազմակերպության նախագահ Լարիսա Ալավերդյանը:
Ալավերդյանը նշեց, որ շատ լավ է, որ Հայաստանում Մեծ Բրիտանիայի արտակարգ եւ լիազոր դեսպան Քեթրին Լիչը խոստովանեց դա: «Մեծ Բրիտանիայի շահերը տարածաշրջանում անփոփոխ են: Եվ ոչ ոք Բաքվին թույլ չի տալ պատերազմ սկսել: Ուստի Ադրբեջանին մնում է միայն կրակել գիշերը եւ հայտարարված զինվարաժությունների ժամանակ», - նշեց Ալավերդյանը: Ալավերդյանն ընդգծեց, որ Ադրբեջանը միջազգային բոլոր նորմերը խախտելուց բացի այլ կերպ չի կարող գործել: «Պատերազմ չի լինի, սակայն մեր բանակն ու հասարակությունը պետք է պատրաստ լինեն բոլոր ոչ ադեկվատ մեթոդներին, որոնց կարող է դիմել Ադրբեջանը», - միաժամանակ հավելեց Լարիսա Ալավերդյանը:
