Ռուսաստանում ամերիկյան Apple-ի արտադրանքը թանկացել է մոտ 25%-ով, փոխանցում է «ՌԻԱ Նովոստին»՝ վկայակոչելով Apple Store-ի հաղորդագրությունը:
Ըստ աղբյուրի՝ արտադրանքի գների աճը հայտարարվածից ավելի շուտ է տեղի ունեցել: Ակնկալվում էր, որ թանկացում կլինի դեկտեմբերի 1-ից:
iPhone 6-ի գինը Ռուսաստանում աճել է 39990 ռուբլու, iPhone 6 Plus-ինը 46900 ռուբլուց է սկսում: Ընկերության մնացած ապրանքներն էլ են թանկացել, օրինակ՝ iMac-ն ու այլ սարքեր:
Apple-ի ռուսաստանյան ներկայացուցչությունից մեկնաբանություն չեն տալիս, սակայն ընկերությանը մոտ կանգնած աղբյուրը հայտնում է, որ դա կապված է արժույթի տատանումների հետ: Գների փոփոխությունը, ըստ աղբյուրի, ոչ մի կապ չունի Ռուսաստանի դեմ տնտեսական պատժամիջոցների հետ: