Թուրքիայի ԱԳ նախարար Մեւլութ Չավուշօղլուն հայտարարել է, թե ԱՄՆ-ում Հայոց ցեղասպանության հետ կապված որեւէ փաստաթղթի իրավական ուժ ստանալը լրջորեն կվնասի թուրք-ամերիկյան հարաբերությունները։
Թուրքական Haber7-ի փոխանցմամբ՝ Թուրքիայի ԱԳ նախարար Մեւլութ Չավուշօղլուն ընդունել է Անկարայում ԱՄՆ դեսպան Ջոն Բասին, որի ընթացքում Հայոց ցեղասպանության ճանաչման հետ կապված զգուշացման ուղերձներ է հղել ԱՄՆ-ին։
Մեւլութ Չավուշօղլուն նշել է, թե Հայկական սփյուռքը ջանքեր է գործադրում աշխարհի խորհրդարաններում 1915-ը որպես ցեղասպանություն ընդունել տալու համար։ Ըստ Չավուշօղլուի՝ Հայոց ցեղասպանության վերաբերյալ որեւէ փաստաթուղթ եթե ԱՄՆ-ում իրավական ուժ ստանա, այն լրջորեն կվնասի թուրք-ամերիկյան հարաբերությունները։