Thomas Cook Airlines ավիաընկերության օդանավը հարկադիր վայրէջք է կատարել հարբած փեսացուի պատճառով, որը օրերս սկսված մեղրամիսի ժամանակ թեժ վիճաբանել է կնոջ հետ:
Բրիտանացին, որը կնոջ հետ մեղրամիսի էր թռչում Կուբա, օդանավում խմել է Duty free-ից գնած օղին եւ սկսել վիճեկ կնոջ հետ: Արդյունքում կինը տեղափոխվել է եւ նստել օդանավի այլ հատվածում, իսկ ամուսինն սկսել է սպառնալ բորտ ուղեկցողներին, թե կսպանի նրանց, եթե նրանք հետ չբերեն կնոջը: Տղամարդուն ձեռնաշղթաներ են հագցրել, իսկ Բերմուդներում վայրէջքից հետո հանձնել են ոստիկաններին, հաղորդում է բրիտանական «Independent»-ը:
Տղամարդը տուգանվել է 3 հազար դոլարով եւ ստիպված է եղել միայնակ վերադառնալ, քանի որ կինը հեռացել է առանց նրա: