Թաթարստանից ոստիկանը որպես կաշառք երեք iPhone սմարթֆոն է ստացել: Այս մասին գրում է ՏԱՍՍ գործակալությունը՝ վկայակոչելով Ռուսաստանի քննչական կոմիտեի հետաքննական վարչության ղեկավարի ավագ օգնական Անդրեյ Շեպտիցկիին:

Աղբյուրի փոխանցմամբ, ոստիկանի նկատմամբ հարուցվել է քրեական գործ: Նրան դատապարտել են երկու տարվա պայմանական ազատազրկման՝ 2 մլն 205 հազար ռուբլու չափով տուգանքի վճարմամբ:

2014 թվականի հուլիսին ոստիկանը մահացու ելքով վթարի փաստի քրեական գործ է հետաքննել եւ մեղադրյալից երեք iPhone պահանջել՝ հակառակ դեպքում սպառնալով վթարի մեղավորին կալանավորելու մասին միջնորդություն ներկայացնել դատարան: Սեպտեմբերին ոստիկանին ձերբակալել են ավելի քան 73 հազար ռուբլի ընդհանուր արժողությամբ սմարթֆոն ստանալիս: