Բոլիվուդի աստղ դատապարտվել է ազատազրկման՝ սրբապղծության համար: Նույն մեղադրանքով պատժվել է նաեւ երկրում խոշորագույն մեդիախմբի սեփականատերը, հեռուստաալիքներից մեկի առավոտյան եթերում մի տեսանյութի համար, հաղորդում է «Վեստին»:
Աղբյուրի փոխանցմամբ՝ Geo TV հեռուստաալիքի առավոտյան շոուին դերասանուհի Վինա Մալիքը մասնակցել է ամուսնու հետ: Նրանք պարել են ուղիղ եթերում, իսկ սիֆիական երաժիշտները կատարել է կրոնական երգ Մուհամեդ մարգարեի դստեր հարսանիքի մասին: Պակիստանի դատարանն այդ թողարկումը սրբապղծություն է համարել: Մեդիախմբի սեփականատերը, կինոաստղ Վինա Մալիքը, նրա ամուսինը եւ հեռուստահաղորդավարը դատապարտվել են 26-ական տարվա ազատազրկման:
NDTV-ի հաղորդման համաձայն՝ դատարանի որոշումը կյանքի չի կոչվի: Բանն այն է, որ Գիլգիթը հավակնում է առանձին նահանգ դառնալ, բայց իշխանությունները դա չեն ճանաչում: Գիլգիթ-Բալթիստանի շրջանը Քաշմիրի նահանգի կազմում է, որը տարածքային վեճի առարկա է Հնդկաստանի եւ Պակիստանի միջեւ:
Այդ գործով անցնող 4 անձինք պետք է նաեւ 1,3 մլն ռուփի (մոտ 13 հազար դոլար) տուգանք վճարեն: Բացի այդ, դատարանի որոշմամբ՝ նրանք պարտավոր են ազատվել այդ շրջանում անշարժ գույքից ու հանձնել անձնագրերը: Հայտնի է նաեւ, որ հեռուստահաղորդավարն ու մեդիա հոլդինգի ղեկավարը ներողություն են խնդրել բոլորից, ում հնարավոր է, վիրավորել են: