Ամուրյան վագրեր Կուզյան եւ Ուստինը, որոնք ազատ են արձակվել ՌԴ Հրեական ինքնավար մարզում նախագահ Վլադիմիր Պուտինի մասնակցությամբ, կասկածվում են Չինաստանում այծերի ու հավերի վրա հարձակումների մեջ:
Չինացի մասնագետները պնդում են, որ Ուստին անունով վագրը անցել է պետական սահմանը եւ Չինաստանում հարձակվել այծերի վրա, հաղորդում է BBC Russia-նը՝ վկայակոչելով չինական «Սինհուա» գործակալությունը:
2012-ին Հեռավոր Արեւելքում վագրի 5 ձագեր են գտել առանց մոր: Նրանք ապրել են վայրի բնության մեջ, իսկ այս տարվա մայիսին ՌԴ նախագահի մասնակցությամբ ազատ են արձակվել: