Դոլարի փոխարժեքի կտրուկ աճի դրական եւ բացասական ազդեցությունը նույն կոնտեքստում պետք է դիտարկել: Այս մասին այսօր՝ նոյեմբերի 26-ին, ՀՀԿ գործադիր մարմնի նիստից առաջ լրագրողներին ասաց Հովիկ Աբրահամյանը:
«Դա մեր հասարակության կենսամակարդակի վրա կարող է ունենալ բացասական ազդեցություն, դրականը այն կլինի, որ դա կարող է օգնել մեր արտադրողներին արտադրություն, իրացումում կազմակերպել, ստեղծել աշխատատեղեր»,-ասաց նա:
Հարցին, թե արդյո՞ք այդպես է մնալու իրավիճակը, վարչապետը պատասխանեց, որ այդ հարցը Կենտրոնական բանկի տիրույթում է, և իրենք պատասխանատվություն են կրում դրա համար: