ՀՀԿ մամուլի խոսնակ Էդուարդ Շարմազանովը հորդորում է չշտապել փոխվարչապետի պաշտոնում որեւէ մեկի նշանակման հարցում: ՀՀԿ ԳՄ նիստից հետո այսօր՝ նոյեմբերի 26-ին, լրագրողների հետ զրույցում Էդուարդ Շարմազանովն ասաց, որ այսօրվա նիստին այդ հարցը չի քննարկվել:
«Մի շտապեք, երբ ժամանակը գա, փոխվարչապետի հարցը կքննարկվի ու կնշանակվի, բայց այս պահին փոխվարչապետի նշանակման հարց չի քննարկվել»,-լրագրողների հարցին ի պատասխան ասաց նա:
Հիշեցնենք, որ հոկտեմբերի 17-ին ՀՀ նախագահ Սերժ Սարգսյանի հրամանով պաշտոնից ազատվել էր ՀՀ տարածքային կառավարման նախարար, փոխվարչապետ Արմեն Գեւորգյանը: Նա դարձել է գործարար Ռուբեն Վարդանյանի եւ նրա տիկնոջ՝ Վերոնիկա Զոնաբենդի հիմնած IDeA հիմնադրամի («Հայաստանի զարգացման նախաձեռնություններ») նոր ղեկավարը: