ՀՀԿ մամուլի խոսնակ Էդուարդ Շարմազանովը կասկածում է, թե ՀԱԿ խմբակցության անդամ Նիկոլ Փաշինյանի՝ ՀՀ նախագահին իմպիչմենտի պահանջ ներկայացնելու նախագիծը հաջողություն կունենա: Այս մասին այսօր՝ նոյեմբերի 26-ին, ՀՀ ԳՄ նիստից հետո լրագրողների հետ զրույցում ասաց Էդուարդ Շարմազանովը:
«Ավելի շուտ իրենք մեզ կմիանան, քան մենք՝ իրենց: Ես շատ խիստ կասկածում եմ, որ այդ գործընթացը կարող է ոչ միայն լուրջ հաջողություն, այլեւ լուրջ առաջընթաց ունենալ, որովհետեւ կան քաղաքական ուժեր, որոնք բացասաբար են խոսում դրա վերաբերյալ եւ նրանց օրակարգում նման խնդիր չկա»,-ասաց նա:
Էդուարդ Շարմազանովը նշեց, որ այսօրվա ՀՀԿ ԳՄ այսօրվա նիստին քննարկել են ԵՏՄ-ի հետ կապված հարցեր, ինչպես նաեւ 2015 թ. բյուջեն:
