Հայաստանի ԱԻՆ-ում, այսօր՝ նոյմբերի 26-ին, ժամը 19.00-ին տեղեկատվություն է ստացվել, որ Երեւան-Արմավիր ավտոճանապարհին՝ Մեծամոր քաղաքի մոտակայքում, տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել ՄՃԿԿ ՕԽ-ն եւ մեկ մարտական հաշվարկ:
Պարզվել է, որ Մ-5 միջպետական ավտոճանապարհի Երեւան-Արմավիր հատվածի 36-րդ կմ-ում «Մերսեդես» մակնիշի 03 SL 522 համարանիշի ավտոմեքենան (վարորդ` 34-ամյա Ա. Բ.) դուրս է եկել ավտոճանպարհի երթեւեկելի հատվածից եւ շրջվել:
Մինչ հրշեջ-փրկարարների կանչի վայր հասնելը` վարորդ Ա. Բ.-ն, ուղեւորներ 27-ամյա Ա. Ե.-ն եւ 16-ամյա Ա. Բ.-ն տեղի ուժերով դուրս են բերվել ավտոմեքենայից եւ տեղափոխվել Մեծամոր քաղաքի ԲԿ, որտեղ բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան, դադարեցրել գազի արտահոսքը եւ ավտոմեքենան դուրս բերել երթեւեկելի հատված: