ԱՄՆ նախագահ Բարաք Օբաման ավանդաբար «ներում է շնորհել» Գոհաբանության օրվա տոնական սեղանի համար Սպիտակ տուն բերված երկու հնդկահավերի: Տոնն ԱՄՆ-ում նշվում է նոյեմբերի չորրորդ հինգշաբթի օրը:
Արարողությանը ելույթ ունենալով՝ Օբաման հավաքվածների ծիծաղի ներքո խոստովանել է, որ մինչ այժմ «մի փոքր մտահոգ է»՝ ամեն տարի դանակից երկու թռչուն խորհրդանշաբար փրկելու անհրաժետության առթիվ: «Գիտեմ, որ շատերը կատարվածը համաներում կանվանեն», — սրամտել է Օբաման՝ զուգահեռներ անցկացնելով ԱՄՆ Կոնգրեսը շրջանցելով իր կատարած վերջին գործողությունների հետ, որոնք ուղղված են միգրացիոն բարեփոխման մեկնարկին, հայտնում է «gazeta.ru»-ն՝ վկայակոչելով ABC News-ը:
Երկու հնդկահավերին Սպիտակ տուն էր բերել Հնդկահավերի բուծման ազգային միության ղեկավար Գերի Կուպերը: Հնդկահավերը, որոնց անուններն են Մակ եւ Չիզ, ծնվել են Օհայո նահանգի ագարակում՝ կես տարի առաջ: Երկու թռչունն էլ կշռում են 21 կգ-ից ավելի: Նրանց մականունները թարգմանվում են «Մակարոն» եւ «Պանիր», թռչուններին այդպես են անվանել տեղի տարրական դպրոցի աշակերտները: Սպիտակ տնից թռչունները մշտական բնակության են ուղարկվել 1918-1922 թթ. Վիրջինիայի նահանգապետի պաշտոնն զբաղեցրած Դեյվիդ Ուեսթմորլենդի կալվածք:
