Հայաստանի ԱԻՆ-ում, այսօր՝ նոյեմբերի 27-ին, ժամը 05.10-ին ահազանգ է ստացվել, որ Երեւանի Ծիծեռնակաբերդի խճուղու «Դալմա Գարդեն Մոլ»-ի մոտակայքում տեղի է ունեցել ավտովթար՝ հրդեհի բռնկումով, կա տուժած. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել ՃԿԿ ՕԽ-ն, ՀՆՓԱԻԿ փրկարար ջոկատը եւ մեկ մարտական հաշվարկ:
Պարզվել է, որ «Օպել» մակնիշի 34 AD 415 համարանիշի ավտոմեքենան (վարորդ` 47-ամյա Կ. Հ.) բախվել է կայանած (խափանված) «ԶԻԼ» մակնիշի 22 LO 506 համարանիշի ավտոմեքենային (վարորդ` 29-ամյա Վ. Վ.), ինչից «Օպել» մակնիշի ավտոմեքենայում հրդեհ է բռնկվել:
Վարորդ Կ. Հ.-ն, մինչ հրշեջ-փրկարարների կանչի վայր հասնելը, տեղափոխվել է «Արմենիա» ՀԲԿ:
Բժիշկները տուժածի առողջական վիճակը գնահատել են ծանր:
Հրդեհը մարվել է ժամը 05.38-ին:
Ամբողջությամբ այրվել է «Օպել» մակնիշի ավտոմեքենան: