ԱՄՆ-ում ոստիկանի կողմից անչափահասի սպանությունը տեսագրվել է: Տեսանյութում երեւում է, թե ինչպես են իրավապահները առնվազն երկու անգամ կրակում 12-ամյա տղայի վրա: Ստացված վնասվածքներից վերջինս տեղում մահացել է:
Ավելի վաղ հաղորդվել էր, որ 12-ամյա Թամիր Ռայսի ձեռքին խաղալիք ատրճանակ է եղել, որի մասին ոստիկաններին հայտնել է ականատեսներից մեկը:
Ահազանգն ընդունող դիսպետչերը մոռացել է այդ մասին հայտնել ոստիկաններին:
Սա առաջին դեպքը չէ ԱՄՆ-ում, երբ ոստիկանները գնդակահարում են դեռահասներին: Աղմկահարույց միջադեպը տեղի է ունեցել այս տարվա օգոստոսին, երբ ոստիկանության սպա Դարեն Ուիլսոնը գնդակահարել է 18-ամյա սեւամորթ Մայքլ Բրաունին: Այս միջադեպից հետո ամերիկացի ոստիկանները գնդակահարել են առնվազն 14 դեռահասների, որոնցից 6-ը՝ սեւամորթ, հաղորդում է «ՌԻԱ Նովոստին»:
Այդ թվում, Քալիֆորնիայում ոստիկանները գնդակահարել են 19-ամյա Դիանա Շոումենին, որը հոգեկան խնդիրներ է ունեցել: Աղջիկը զանգահարել է ոստիկանություն եւ հայտնել, որ ինքը ատրճանակ-գնդացիր ունի: Երբ իրավապահները մոտեցել են նրա տանը, Շոումենը դուրս է եկել շաղափը ձեռքին: Նա տեղում գնդակահարվել է: