Խորհրդարանական ոչ իշխանական երեք ուժերի` ԲՀԿ-ի, ՀԱԿ-ի եւ «Ժառանգության« առաջնորդը Գագիկ Ծառուկյանն է: Այս մասին այսօր` նոյեմբերի 27-ին, լրագրողների հետ զրույցում ասաց Ժողովրդական կուսակցության նախագահ Տիգրան Կարապետյանը, որը նույնպես միացել է եռյակին եւ դեկտեմբերի 10-ին սպասվելիք հանրահավաքին լինելու է հարթակում:
«Շատ լավ տրամադրություն ունեմ, շատ գոհ եմ, շատ ոգեւորված եմ, մանավանդ Գագիկ Ծառուկյանի հետ հանդիպումից հետո: Նա մեծ հույսեր ներշնչեց ինձ: Կարծում եմ, որ եռյակի լիդերը հենց Գագիկ Ծառուկյանն է, քանի որ նա այսքան շատ բան է արել ժողովրդի համար»,- ասաց նա:
Նշենք, որ եռյակին միանալու մասին Տիգրան Կարապետյանը հայտարարել է նոյեմբերի 17-ին: