ՀՀ կառավարությունը հաստատել է երկրի էներգամատակարարման համակարգի զարգացման համար Համաշխարհային բանկի հետ ստորագրված վարկային համաձայնագիրը: Այս մասին որոշում է ընդունվել կառավարության նոյեմբերի 27-ի նիստում:
Համաշխարհային բանկի (Վերակառուցման եւ զարգացման միջազգային բանկ IBRD) հետ համաձայնագիրը ստորագրվել էր օգոստոսին՝ 40 միլիոնի չափով, 25 տարվա ժամկետով, որից 10 տարին՝ արտոնյալ պայմաններով: Ծրագրով նախատեսվում է արդիականացնել 220 կՎտ-անոց «Հաղթանակ» եւ «Չարենցավան-3» ենթակայանները եւ 110 կՎտ-անոց «Վանաձոր-1» ենթակայանը, որոնց 30 տարվա սարքավորումները մաշվել են ֆիզիկապես եւ բարոյապես: Նախագիծը կիրականացնի «Հայաստանի բարձրավոլտ ցանցեր» ՊՓԲԸ-ն: