Դոլարի փոխարժեքի այս տատանումը միայն տնտեսական գործոնների արդյունք չէ, սա հստակ քաղաքականության արդյունք է: Այս մասին այսօր՝ նոյեմբերի 27-ին, լրագրողների հետ հանդիպմանն ասաց ԲՀԿ խմբակցության պատգամավոր Միքայել Մելքումյանը՝ կանխատեսելով, որ դոլարը կայունանալու է:
Տնտեսագետ պատգամավորն ասաց, որ ՌԴ-ի նկատմամբ կիրառվող պատժամիջոցները Հայաստանի վրա եւս ազդելու են, արդեն նկատելի է, որ մեր արտահանման ծավալները նվազել են, ներկրողները չեն կարող վնասը կոմպենսացնել, հետեւաբար՝ անպայման տեղի է ունենալու գնաճ: Որպես խնդրի լուծում՝ պատգամավորն առաջարկում է ավելացնել մարդկանց եկամուտները:
Ի դեպ, պատգամավորը տեղեկացրեց, որ առաջիկայում կազմակերպելու են տնտեսական համաժողով, որտեղ կքննարկեն առաջիկա անելիքները: Միքայել Մելքումյանի կարծիքով՝ ՀՀ նորանկախ պետության 23 տարիների ընթացքում ձեւավորվել է խոշոր եւ փոքր, միջին ձեռնարկությունների տնտեսության կառուցվածք համակարգ, պետք է այդ էջը պատվով փակել եւ նոր որակի տնտեսական քաղաքականություն վարել:
