ՌԴ Պետդումայում առաջարկում են արտասահմանյան գործակալների ցանկից բացի արտասահմանյան կազմակերպությունների ցանկ կազմել, որոնց գործունեությունն անցանկալի է Ռուսաստանի համար:
Պատգամավորներ Ալեքսանդր Տարնավսկիի եւ Անտոն Իշչենկոյի մշակած օրինագծի համաձայն՝ անցանկալի կազմակերպությունների ցանկը կկազմի գլխավոր դատախազությունը՝ ԱԳՆ-ի եւ արդարադատության հետ համատեղ: Նման կազմակերպությունների ներկայացուցիչները վարչական պատասխանատվության կենթարկվեն (10 - 100 հազ. ռուբլի տուգանք), իսկ կրկնակի իրավախախտման դեպքում՝ քրեական պատասխանատվության (300–500 հազ. ռուբլի տուգանք կամ 2 -8 տարվա ազատազրկում):
«Իզվեստիան» գրում է, որ Գերագույն դատարանն ու կառավարությունը որոշ վերապահումներով համամիտ են խորհրդարանականների հետ:
Ըստ օրինագծի հեղինակների՝ առաջարկվող քայլերը թույլ կտան բարձրացնել պետության անվտանգության համար սպառնալիք ներկայացնող կառույցների, լարվածության օջախների գոյացման դեմ պայքարի արդյունավետությունը: