Ադրբեջանում Ուկրաինայի դեսպանատունը ներողություն է խնդրում Լեռնային Ղարաբաղում ուկրաինացի լրագրողի պատրաստած թողարկման համար:
Ավելի վաղ հաղորդվել էր, որ խոսքը «1+1» հեռուստաալիքով «15 հանրապետություններ» ծրագրի հաղորդավար Դմիտրի Վոլկովի նյութի մասին է: Լեռնային Ղարաբաղի մասին թողարկումը հիստերիա էր բարձրացրել Բաքվում: Ադրբեջանի ԱԳՆ-ն եւ Կիեւում այդ երկրի դեսպանատունը շտապել են բողոքի նոտա ուղարկել Ուկրաինային:
Ուկրաինայի դեսպանատան պատասխանը հրապարակել է Minval.az կայքը: «Պաշտոնական Կիեւը միշտ էլ աջակցել եւ աջակցելու է ԱՀ-ի ինքնիշխանությանը եւ տարածքային ամբողջականությունը՝ միջազգայնորեն ճանաչված սահմաններում: Այս հարցում այլ դիրքորոշում լինել չի կարող: Տվյալ տեսանյութը առանձին լրագրողների անձնական տեսակետն է: Նկարահանող խումբն իր գործողություններով ոչ միայն խախտել է Ադրբեջանի օրենսդրությունը, այլեւ ոտնահարել Ուկրաինայի ԱԳՆ կոչերը, որն իր քաղաքացիներին հորդորում է չայցելել Լեռնային Ղարաբաղ եւ Ադրբեջանին հարակից 7 շրջաններ՝ առանց պաշտոնական Բաքվի թույլտվության:
Հիշեցնենք, որ նկարահանող խումբը Հայաստանի տարածքում էր գտնվել, այլ ոչ թե Ադրբեջանի, եւ այդ երկրի օրեսդրությունը խախտելու մասին խոսք չի կարող լինել: Այնուամենայնիվ, նույնիսկ վերահսկողություն չունենալով հայաբնակ Ղարաբաղի նկատմամբ, Ադրբեջանը փորձում է ուժերի ներածին չափով խանգարել տարածաշրջանի զարգացման վերաբերյալ ճշմարտության տարածմանը: Առանձնակի տհաճ այցելուներին Ադրբեջանի ԱԳՆ-ն ընդգրկում է «սեւ ցուցակում»: